कमलबजार कार्तिक १५ ।  १४ दिनदेखि अज्ञात रहेका कमलबजार नगरपालिका-५ कुईका अछामका ३४ वर्षीय रेशमराज तिमिल्सैनाको शव साेमबार भेटिएको हो । १४ दिनसम्म नेपाल प्रहरीको सबै संयन्त्र लगाएर खोजी कार्य गरिए पनि तिमिल्सैनाको अवस्था अज्ञात रहेकाे थियो ।

गएको २ कात्तिकमा गैरिटाँडबाट बेपत्ता भएको भनिएका तिमिल्सैनाको शव १४ दिनपछि गैरिटाँड बजार नजिकैको बाँसको झाडीमा भेटिएको हो । अहिले अछाम जिल्लाका प्रहरी प्रमुख तुल्सीराम अर्यालसहितको टोली गैरिटाँड पुगेको छ । तिमिल्सैनाका आफन्तसँग प्रहरीको छलफल भइरहेको छ ।

तिमिल्सैनाका आफन्तले गैरिटाँड बजार बन्द गरेका छन् । आफन्त र स्थानीय मिलेर सडकमा चक्का जाम गरिएकाे छ । रहस्यमय तरिकाले घटना भएको भन्दै उनीहरू आक्रोशित भएका छन्। शव फेला परेको स्थानमा प्रहरीले कसैलाई जान दिएको छैन ।

काठमाडाैंबाट समेत अनुसन्धानको टिम अछाम आएर खोजीकार्य भए पनि १३ दिनसम्म तिमिल्सैनाको अवस्था पत्ता लागेको थिएन । तिमिल्सैना बसेकै ठाउँ नजिकै उनकाे शव फेला पर्नुले घटना रहस्यमय भएको परिवारको आरोप छ । ३१ असोजमा मंगलसेनबाट घर फर्किने क्रममा गैरिटाँडकै एक होटलमा बसेका तिमिल्सैना बेपत्ता भएकाे बताइएकाे थियाे । उनी कांग्रेसका क्षेत्रीय प्रतिनिधिसमेत समेत हुन ।

याे पनी पढ्नुहाेस

कमलबजार नगरपालिका वडा ५ कुईका निवासी रेसम तिमिल्सेना कार्तिक २ गते देखि सम्पर्क बिहिन भएको घटना प्रति अबिलम्ब खोजी कार्य अगाडि बढाउन नेपाली कांग्रेस कमलबजार नगरसमितिले अनुरोध गरेको छ । नेपाली कांग्रेस कमलबजार नगर सभापति पदम बहादुर भण्डारी र सचिव निर्मल बिष्ट द्वारा हस्ताक्षरित जारी प्रेस बिज्ञप्तिमा सो कुरा उल्लेख गरिएको छ ।
तिमिल्सेना नेपाली कांग्रेस को नव निर्वाचित क्षेत्रीय प्रतिनिधि समेत हुन । साथै ३४ बर्षिय रेशम भुवनेश्वर मा बि का बिद्यालय व्यबस्थापन समिति का अध्यक्ष पनि हुन ।
आज जारी प्रेस बिज्ञप्तीमा कार्तिक २ गते गैरिटाँड बाट बेपत्ता भएका तिमिल्सेनाको खोजिकार्यका लागि प्रहरी प्रशासन लाई तथा सम्पुर्ण नेपाली कांग्रेसका नेता तथा र कार्यकर्ता लाई अनुरोध गरिएको छ ।

 

प्रतिक्रिया

सम्बन्धित खवर

ताजा समाचार

लोकप्रिय