हिक्मत बहादुर नेपाली
अछाम फाल्गुन २९ ।
श्री जाल्पा देवी माद्यामिक विद्यालय ढाँकुमा जानकी देवी ढकाल स्मृती अक्षयकोष स्थापना गरिएको छ । कमलबजार नगरपालिकाका नगर प्रमुख यज्ञ प्रसाद ढकाललेले आफ्नी स्वर्गीय आमा जानकी देवी ढकालको १५ औ स्मृती दिवसका अवसरमा अक्षयकोष स्थापना गर्नु भएको हो । रु १ लाख नगद राशीको अक्षयकोष स्थापनाका लागी आज एक कार्यक्रमका विच ढकालले विद्यालयका प्रधानाध्यापक जनक बहादुर भण्डारी र विद्यालय व्यवस्थापन समितीका अध्यक्ष प्रजा बहादुर बोगटी लाई १ लाख नगद हस्तान्तरण गर्नु भएको हो । अक्षयकोष बाट आएको बार्षिक व्याज बाट प्राप्त हुने रकम विद्यालयको कक्षा ८ मा प्रथम हुने व्यक्ति लाई पुरस्कार वितरण गरिने छ । शैक्षिक नतिजा सुधार हुने अपेक्षा सहित अक्षयकोष स्थापना गरिएको कमलबजार नगरपालिकाका नगर प्रमुख समेत रहेका यज्ञ प्रसाद ढकालले बताउनु भयो । विद्यालयमै आज आयोजना भएको कलुदेवी खतिवडा स्मृती अक्षयकोष पुरस्कार वितरण कार्यक्रममा कमलबजार नगरपालिका वडा नं ७ जामाकी स्वर्गीय कलुदेवी खतिवडाको स्मृतीमा निजका छोरा लेखक तथा पर्वत आरोही शिव प्रसाद जैसीले २०७६ सालमा एक लाखको अक्षयकोष स्थापना गर्नु भएको र सोही कुरा बाट प्रेरित भएर गत बर्ष २०८० मै अक्षयकोष बनाउने मनसाय निमार्ण भएको र कार्यव्यस्तताले आज सो रकम हस्तान्तरण गरिएको उहाँको भनाई थियो ।
