रमिता बि क ।

कार्तिक १५ गते : कमलबजार नगरपालिकामा स्लो बाईक रेश प्रतियोगिता सम्पन्न भएको छ ।

कमलबजार युथ क्लब को आयोजनामा कार्तिक १५ गते स्लो बाईक रेश प्रतियोगिता सम्पन्न भएको हो ।

कमलबजार युथ क्लबका अध्यक्ष अमित कुवरको अध्यक्षतामा भएको कार्यक्रमका प्रमुख अतिथि कमलबजार नगरपालिकाका नगर उपप्रमुख शारदा कुमारी बिष्ट रहनु भएको थियो ।

स्लो बाईक रेश प्रतियोगितामा २५ जनाको सहभागिता रहेको थियो । यस्तै प्रतियोगितामा ३ मिनेट २२ सेकेण्डको दुरी पार गरेर प्रथम उपाधी विनायकका निराजन शाहीले हाशिल गरेका छन भने ३ मिनेट २० सेकेण्डको दुरी पार गरेर द्धितिय उपाधी विनायकका ह्रिदय ढकालले हाशिल गरेको प्रतियोगिताका संयोजक लक्ष्मण ढकलले जानकारी दिनुभयो ।

तीव्रगतिले दिनानुदिन सवारी दुर्घट्ना बढ्दै गएको कुरालाई मध्यनजर गर्दै यस्तो कार्यक्रमले सर्वसाधारणमा सचेतना मिल्ने कमलबजार ट्राफिक प्रहरी जवान गोबिन्द रावलको भनाई छ ।

यस्तै प्रतियोगिताले सवारी दुर्घटना न्यूनीकरणका लागि सचेतना मिल्ने स्लो बाइक रेस प्रतियोगिताका आयोजकले बताएका छन । यस्तै उक्त कार्यक्रमको सञ्चालन पुष्प सन्ज्यालले गर्नुभएको थियो ।