हिक्मत बहादुर नेपाली
अछाम मंसिर ०५ ।
अछाममा पूर्ण खोप अभियान आज देखि सुरु भएको छ । नेटेरीनरी अस्पताल तथा पशु सेवा विज्ञ केन्द्र अछामको अयोजनामा पशुपंक्षीमा विभिन्न खोपहरु (पि.पि.आर,खोरेत, एच.एस.एण्ड वि.क्यू, रानिखेत, बंगुरको हैजा तथा अन्य रोग विरुद्ध ) गाई,भैंसी,भेडा, बाख्रा र पशुपंक्षिमा खोप कार्यक्रम सञ्चालन गर्न लागिएको हो । अछामका दश वटै पालिकामा आज सो अभियान सुरु भएको नेटेरीनरी अस्पताल तथा पशु सेवा विज्ञ केन्द्र मंगलसेन अछामका सूचना अधिकारी ज्ञान बहादुर थापाले जानकारी दिनु भयो । कार्यालयको बार्षिक स्वीकृत कार्यक्रम अनुसार अभियान सुरु गरिएको थापाले जानकारी दिनुभयो । खोप लगाउने जनशक्ति भ्याक्सिनेेटर यश अघिनै नियुक्त गरि सकिएको छ ।