डअछाम मंसिर ९ ।
एघारौ उद्योग दिवस अछाम जिल्लामा पनि विभिन्न कार्यक्रमको आयोजनागरि मनाईएको छ । दिवसको असरमा मंगलसेनमा ¥याली सहित सरोकारवाला संग अन्तरक्रिया तथा छलफल गरिएको छ । घरेलु तथा साना उद्योग कार्यालय अछामको आयोजनामा भएको कार्यक्रममा सहभागि सरोकारवालाहरुले स्थानीय रैथाने उत्पादनलाई जोड दिदै घरेलु उद्योगहरुलाई प्राथामिकता दिनुपर्ने बताएका छन । पछिल्लो समयमा स्थानीय उत्पादन लोपहुदै गएको भन्दै कार्यक्रममा सहभागिहरुले प्रत्यक्ष नागरिकको दैनिकी संग जोडिएका उद्योगलाई प्रोत्साहन गर्दै अगाडी बढ्नुपर्नेमा जोड दिएका थिए ।
नेपाल घरेलु तथा साना उद्योग माहासंघ अछामका अध्यक्ष बम बहादुर रावलको अध्यक्षतामा भएको कार्यक्रममा प्रमुख अतिथिको रुपमा बोल्दै अछामका निमित्त प्रमुखजिल्ला अधिकारी नरेन्द्र परियारले स्थानीय उद्योगीहरुको मनोबल उच्च बनाउने कामगर्नु अहिलेको आवश्यक्ता भएको बताउनुभयो । जब सम्म हामी स्थानीय उत्पादन र उद्योगीलाई प्राथमिकता दिदैनौ तब सम्म हाम्रो गरिबी र पछौटेपनको अन्त्य नहुने उहाको भनाई छ । युवाहरु आफैपनी सृजनशिल बन्नुपर्ने सुझाव दिदै निमित्त प्रमुखजिल्ला अधिकारी परियारले उद्यम बिना कुनैपनी व्यक्ति सफल हुन नसक्ने भएकाले आफ्नो स्रोत साधनले भ्याउने कुनै न कुनै किसिमको व्यवसायमा जोडीनुपर्नेमा जोड दिनुभएको छ ।
कार्यक्रममा बोल्दै नेपाल कम्युनिष्ट (माओवादी) का केन्द्रिय सदस्य तथा महिला उद्यमी मिन धामीले घरेलु उद्योग बिना हाम्रो समृद्धि सम्भव नहुने बताउनुभएको छ । जब सम्म एक घर एक उद्योग संचालन हुदैन तबसम्म हामी आर्थिक रुपमा आत्म निर्भर बन्न नसक्ने धामीको भनाई छ । हामी कुरा समृद्धीका गर्छौ तर राज्य बाट त्यो खालको वातावरण सृजना हुन नसकेको बताउदै राज्यपनि यस तर्फ गम्भिर हुन आवश्यक रहेको बताउनुभयो ।
मंगलसेन नगरपालिका वडा न ६ का पुर्व अध्यक्ष जनकराज भण्डारीले गफगर्ने तर काम नगर्ने हाम्रो गलत आनीबानीले आज हामी व्यवसायी बन्न नसकेको बताउनुभयो । विदेश गएर जस्तो काम गर्नपनि तयार हुने तर आफ्नो गाउँघरमा कामगर्न लाज मान्ने हाम्रो प्रवृति रहेको हुदा हामी आर्थिक र व्यवसायीक रुमपा पछाडी परेको अध्यक्ष भण्डारीको भनाई छ । समुदायका अगुवाहरु चिल्ला भाषण गर्दै हिड्ने तर व्यवसाय गर्न कोहीपनी तयार नभएको बताउनुभयो ।
युवा व्यवसायी तथा नेपाल कम्युनिष्ट पार्टी (माओवादी ) का नेता निरक शाहीले सरकार नै उद्योगीहरुलाई प्रोत्साहन गर्न तर्फ केन्द्रित नभएको आरोप लगाउनुभएको छ । जब सम्म सरकारी निकाय बाट उद्योगहीलाई सम्मान र सुरक्षा दिईदैन तब सम्म अवस्था यही रहने चिन्ता व्यक्त गर्नुभएको छ । नारा समृद्धिका लगाउने तर त्यसलाई कार्यन्वयनको दिशामा लैजान नसक्दा समस्या सृजना भइरहेको शाहीको भनाई छ ।
कार्यक्रममा जिल्ला अनुसन्धान अधिकृत अशोक पौडेल, कोष नियन्त्रक दिवसराज घिमिरे, प्रहरी निरिक्षक मिन बहादुर धामी, अछाम बहुमुखी क्याम्पसका प्रमुख डाक्टर ध्रब कुमार शाही, रेडियो गाउँघरका कार्यकारी निर्देशक टेक बहादुर थापा लगायतको सहभागिता रहेको थियो । घरेलु तथा साना उद्योग कार्यालय अछामका कार्यालय प्रमुख भिम बहादुर सिंहको स्वागत मन्तव्य बाट सुरु भएको कार्यक्रमको संचालन उद्यम विकास सहजकर्ता चेतराज पनेरुले गर्नुभएको घरेलु तथा साना उद्योग कार्यालय अछामका कम्प्युटर अपरेटर जनकराज ढुंगानाले जानकारी दिनुभएको छ । स्वदेशी उत्पादनलाई प्रोत्साहन गरौ, उद्योग विकास, राष्ट्रको विकास जस्ता नाराहरु लगाईएका थिए ।