सुबाश अधिकारी १३ मंसिर २०७९
दोस्रो कृषी पर्यटन तथा साँस्कृतिक मेला महोत्सब २०७९ कमलबजारमा संचालन हुँदैछ । जिल्लाको मुुख्य व्यापारिक केन्द्र मध्येको एक कमलबजारमा यहि मंसिर १४ गते अर्थात भोली बुधबार देखि २४ गते सम्म महोत्सब संचालन हुुने भएको हो । महोत्सबको सबै तयारी अन्तिम चरणमा पुगेको आयोजकले जनाएको छ ।महोत्सबको तयारी अन्तिम चरणमा पुगे संगै मंसिर १४ गते अर्थात भोली बुधबार उद्घाटन गरिने जनाइएको छ ।
नगर बिकासको आधार, कृषी पर्यटन र व्यापार भन्ने मुुल नाराका साथ दोस्रो कृषी पर्यटन तथा साँस्कृतिक मेला महोत्सब २०७९ संचालन हुन लागेको हो । कमलबजार नगरपालिकाको समन्वय तथा कमलबजार बिकास पर्वद्धन समिती र उद्योेग वाणिज्य संघ कमलबजार प्रबद्र्धक रहने गरि महोत्सब संचालन गरिने सुुदुरपश्चिम मेला महोत्सब समिती संयोजक बिकास थापाले जानकारी दिनुुभयो ।
महोत्सबमा नेपाली चलचित्र जगतका महानायक राजेश हमाल, विराज भट्ट, लोक दोहोरी गायक तथा मोडल रामजी खाँण, गायिका ज्योती मगर, मोडल तथा गायक चक्र बम, लोक देउडा गायिका रेखा जोशी, गायिका एलिना चौहान, गायक टंक तिमिल्सैना, लोक देउडा गायक लाल बहादुुर धामी अछामी बड्डो, गायक रोशन सिंह, गोपाल नेपाल जिएम, सज्जन धामी, निरुता खत्री लगायतका राष्ट्रिय तथा अन्तराष्ट्रिय र स्थानिय स्तरका ख्याती प्राप्त कलाकारहरुको बेजोड प्रस्तुुती रहने संयोजक थापाले जानकारी दिनुुभयो ।
महानायक हमाल, एक्सन स्टार भट्ट लगायतका चर्चित कलाकारको प्रस्तुुतीले यसपालीको मेला–महोत्सब अझ रमाईलो हुुने अपेक्षा गरिएको पनि आयोजकले जनाएको छ । चेतना जन–जागरण युुवा क्लब कमलबजारको आयोजनामा हुुने महोत्सबको संचालन सुुुरेन्द्र साउद र सृृजना क्षेत्रीले गर्ने जनाईएको छ ।
यस अघि कार्तिक ३ देखि १२ गते सम्म गर्ने भनिएको निर्वाचन आचारसंहिताका कारण रोकिएको महोत्सब पुनः यहि मंसिर १४ देखि २४ गते सम्म आयोजना गर्न लागिएको हो ।
