
काठमाडौं । सामाजिक सञ्जाल फेसबुककमा विभेदपूर्ण टिप्पणी गर्ने शिक्षकलाई अदालतले ३ महिना कैद र ३० हजार जरिवाना गर्ने फैसला गरेको छ ।
समग्र दलित समुदायमाथी अपमान तथा विभेद गर्नेगरी सिंहले सामाजिक सञ्जाल फेसबुकमा टिप्पणी गरेको भन्दै दलित अधिकारका लागि एकीकृत आन्दोलन नेपालका संयोजक गम्भिरसिंह भुलले गत साउन २२ गते जिल्ला अदालत सुर्खेतमा मुद्दा दायर गरेकोमा बुधबार अदालतले उक्त फैसला गरेको जिल्ला अदालत सुर्खेतका श्रेष्तेदार निर्मलाकुमारी खड्काले नेपाल प्रेसलाई जानकारी दिईन । उक्त मुद्दामा भुलको तर्फबाट सरकारी वकिलसँगै अधिवक्ता मंगलसेन सार्कीले पनि बहस गरेका थिए ।
जातीय विभेद हुनेगरी सिंगो दलित समुदायको आत्मसम्मानलाई चोट पुर्याउने सामाजिक सदभाव भड्काउने कार्य गरेको भन्दै भुलले रिट निवेदन दायर गरेका थिए । रिट निवेदक एवम संयोजक भुलले सुर्खेत जिल्ला अदालतबाट सम्भव त पहिलोपटक दलित समुदायमाथी भइरहेको विभेद विरुद्धको मुद्दामा थोरै भए पनि दलित समुदायको पक्षमा फैसला गरेकोमा खुसी व्यक्त गरे । उनले सामाजिक सञ्जालमा जातीय विभेदपूर्ण टिप्पणी गर्नेलाई यस फैसलाले थोरै भए पनि पाठ सिकाएको बताए । Source : nepalpress.com
फेसबुकमा दलितलाई विभेदकारी टिप्पणी गर्ने शिक्षकलाई ३ महिना कैद र ३० हजार जरिवानाको फैसला