सरकारले आगामी वैशाख १७ गते ४० जिल्लामा र २७ गते ३७ जिल्लामा निर्वाचन गर्ने निर्णय गरेको छ। सोमबार बसेको मन्त्रिपरिषद बैठकले वैशाख १७ गते कर्णाली, लुम्बिनी र प्रदेश २ का ४० जिल्लामा पहिलो चरणमा निर्वाचन गर्ने निर्णय गरेको हो।त्यस्तै, वैशाख २७ गते प्रदेश १, बागमती र सुदूरपश्चिम प्रदेश अन्तर्गत ३७ जिल्लामा निर्वाचन हुनेछ।
प्रधानमन्त्री केपी शर्मा ओलीले गत पुस ५ गते प्रतिनिधिसभा विघटन गर्दै ताजा जनादेशका लागि वैशाख १७ र २७ गते निर्वाचन गर्न सिफारिस गरेका थिए। सो सिफारिस लाई राष्ट्रपति विद्यादेवी भण्डारी ले सोही दिन सदर गरेकी थिइन्।
प्रतिनिधिसभा विघटन गर्दै सरकारले यसअघि नै वैशाख १७ र २७ गते दुई चरणमा मध्यावधि निर्वाचन गर्ने निर्णय गरेको थियो। त्यसपश्चात् संसद विघटन विरुद्ध सर्वोच्च अदालतमा एक दर्जन बढी रिट निवेदन परेकाे थियाे। उक्त रिट माथि सर्वोच्चमा बहस भइरहेको छ। मुद्दामा सर्वोच्चको संवैधानिक इजलास ले टुंगो लगाएको भने छैन।
प्रतिक्रिया
सम्बन्धित खवर
