२०८२ मंसिर ११,

युनिक नेपाल लघुवित्त वित्तीय संस्था लिमिटेड शाखा कार्यालय राजापुर बर्दियाले एक कार्यक्रमको आयोजना गरि समूह सदस्यलाई ग्राहक संरक्षण कोष अन्तर्गत किरीया खर्च प्रदान गरेको छ ।

युनिक नेपाल लघुवित्त वित्तीय संस्था लिमिटेडले बर्दिया जिल्ला राजापुर नगरपालिका वडा नं ०९ दुर्गानगर बस्ने गोमा देवी थापालाई किरिया खर्च प्रदान गरेको हो ।

युनिक नेपाल लघुवित्त वित्तीय संस्था लिमिटेडका कार्यकारी निर्देशक तथा लघुबित्त बिज्ञ डा. गोपाल दहितका अनुसार सदस्यले ऋण लिए बाफत श्रीमानको रु १०० को एक वर्षको बिमा गर्दा मात्रै पनि कुनै घट्ना भईहाले युनिकले रु ३० हजार सम्मको किरिया खर्च सुबिधा दिने र सदस्य कालगतिका कारण निधन भएको हकमा १३५ प्रतिशत सुबिधा प्रदान गर्ने गरेको बताए ।

तर हाल आएर २०८२ बैसाख १४ गते पछिको बिमा सुबिधा परिवर्तन भई सदस्यको अथवा श्रीमान संगै ग्यारेन्टरको मृत्युमा समेत ऋण मिनाह हुने गरेको बताए ।

उक्त कार्यक्रममा बेल्दै राजापुर नगरपालिका वडा नं ९ का वडा अध्यक्ष बिष्णु प्रसाद थारुले सदस्यको श्रीमानको मृत्युमा समेत बिमा सुबिधा रकम दिने कुरा अत्यन्तै राम्रो भएको बताए ।

उनले युनिक नेपाल लघुवित्त वित्तीय संस्था लि. ले गरिब तथा विपन्न वर्गका परिवारहरुको आर्थिक तथा सामाजिक विकासमा युनिक संस्थाले योगदान पुयाएको साथै युनिक नेपालले ग्राहक संरक्षणमा गरिरहेका कार्यहरुको प्रशंसा समेत गरे ।

वडा अध्यक्ष थारुले अहिले ऋण लिने नतिर्ने भाग्ने बेपत्ता हुने गरेकोले त्यसो नगर्न आग्रह गरे उनले किस्ता नियमित तिर्न, रकम छैन भने पनि घरभार छोडेर नजान आग्रह गरे ।

उनले त्यस्तो आर्थिक समस्या भए लघुबित्तसंग सम्पर्क गरि बरु ऋण तिर्ने सहज उपाय अपनाउन आग्रह समेत गरे साथै ऋणको सही सदुपयोग गरि उधमी बन्नु पर्ने समेत बताए ।

कार्यक्रममा बोल्दै अध्यक्ष थारुले बिमा पनि धेरै प्रकारका रहेको हामीले भबिष्यको जोखिम न्युनिकरणका लागी भए पनि बिमा गर्नु अति आवश्यक रहेको बताए ।

युनिक नेपाल लघुवित्त वित्तीय संस्था लिमिटेड शाखा कार्यालय राजापुर बर्दियाले उनकै घरमा गई किरिया खर्च तथा बिमा बाफतको रकम रु ३० हजार रुपैया प्रदान गरेको हो ।

उक्त कार्यक्रममा बोल्दै युनिक नेपाल लघुवित्त वित्तीय संस्था लिमिटेड शाखा कार्यालय राजापुर बर्दियाका शाखा प्रबन्धक निर्मल रैकाले समाजसेवी धन बहादुर थापाको निधनमा दुख ब्यक्त गरे । गोमा देवी थापाको श्रीमान धन बहादुर थापाको ५५ वर्षको उमेरमा उपचारको क्रममा निधन भएको थियो । उनका ५ छोरी र १ छोरा रहेका छन् । उक्त कार्यक्रमको संचालन युनिक नेपाल लघुवित्त वित्तीय संस्था लिमिटेड शाखा कार्यालय राजापुर बर्दियाका शाखा प्रबन्धक निर्मल रैकाले गरेका थिए ।