अछाम जिल्लाको ढकारी गाउँपालिका–८ माझी निवासी डिल्ली प्रसाद जैसी (कमल घोडासैनीका बुबा) भारतको उत्तर प्रदेशस्थित अयोध्यामा हराएको खबर सार्वजनिक भएको छ। परिवारका अनुसार तीर्थ यात्राका लागि भारत गएका उनी फर्किने क्रममा सम्पर्कविहीन भएका हुन्।
परिवारले दिएको जानकारी अनुसार डिल्ली प्रसाद जैसी केही दिनअघि धार्मिक भ्रमणका लागि भारत गएका थिए। तीर्थ दर्शन सकाएर घर फर्किने क्रममा उनी अयोध्या क्षेत्रमा हराएका हुन्। त्यसयता उनको अवस्था र स्थानबारे कुनै जानकारी प्राप्त हुन सकेको छैन, जसले परिवारलाई अत्यन्तै चिन्तित बनाएको छ। परिवारजनले आफन्त, चिनजान तथा सामाजिक सञ्जालमार्फत व्यापक खोजी कार्य जारी राखेका छन्। तर हालसम्म कुनै ठोस सूचना प्राप्त नभएकाले सबैसँग सहयोगको अपिल गरिएको छ। “उहाँ घर फर्किने बेला हराउनुभयो, अहिले कहाँ हुनुहुन्छ भन्ने कुनै खबर छैन। भेट्न सक्ने सबैले सहयोग गरिदिनुहोस्,” परिवारले अनुरोध गरेको छ।
उनी हराएको स्थान धार्मिक तथा भीडभाड हुने क्षेत्र भएकाले खोजी कार्यमा चुनौती थपिएको बताइएको छ। अयोध्यामा दैनिक हजारौं श्रद्धालुहरूको आवतजावत हुने हुँदा यस्ता घटनामा तुरुन्तै पत्ता लगाउन कठिन हुने स्थानीय स्रोतहरूले जनाएका छन्।
परिवारले यदि कसैले डिल्ली प्रसाद जैसीलाई देखेमा वा कुनै जानकारी पाएमा नजिकैको प्रहरी चौकीमा खबर गर्न वा तल दिइएका नम्बरहरूमा सम्पर्क गर्न अनुरोध गरेको छ।
सम्पर्क नम्बरहरू:
👉 भारतका लागि: 9904904605 / 7208781041
👉 नेपालका लागि: 9846672820 / 9848061175
सम्पूर्ण नेपाली समुदाय, विशेषगरी भारतमा रहेका नेपाली दाजुभाइ तथा दिदीबहिनीहरूलाई उक्त व्यक्तिको खोजीमा सहयोग गरिदिन परिवारले हार्दिक अपिल गरेको छ। सानो सूचना वा जानकारीले पनि ठूलो सहयोग पुग्न सक्ने भएकाले सबैले सजग भएर सहयोग गर्न अनुरोध गरिएको छ।